Na situacyju źviarnuŭ uvahu telehram-kanał «Biełaruś za MKADam».
Hramadzianie stvaryli pietycyju, dzie patrabavali ad ułady patłumačyć, čamu častka statystyčnych źviestak stała zakrytaj.
Tak, naprykład, abmiažoŭvajucca źviestki pra śmiarotnaść nasielnictva, pra źniešnieekanamičnuju dziejnaść pa krainach i vidach tavaraŭ i pasłuh.
Pietycyju skiravali ŭ Hienieralnuju prakuraturu i Nacyjanalny statystyčny kamitet.
Hienprakuratura pieranakiravała zvarot dalej. A ŭ Biełstacie adkazali (adkaz datujecca jašče 6 krasavika).
Jany paličyli, što mohuć pakinuć pietycyju biez adkazu, bo jaje meta, jak ličyć kamitet, «destruktyŭnaje infarmacyjnaje ŭździejańnie».
Skryn adkazu Nacyjanalnaha statystyčnaha kamiteta