Śviatłana Cichanoŭskaja. Fota: Ofis Śviatłany Cichanoŭskaj
Na zaprašeńnie ministra zamiežnych spraŭ Aŭstryi Alaksandra Šalenbierha i Viarchoŭnaha kamisara AAN pa pravach čałavieka Folkiera Ciurka Śviatłana Cichanoŭskaja vystupić na mižnarodnaj kanfierencyi «Našy pravy — naša budučynia» 6 červienia ŭ Vienie. Pra heta paviedamiŭ @pozirkonine hałoŭny daradca demakratyčnaha lidara Franak Viačorka.
Forum pryśviečany 30-hodździu praviadzieńnia ŭ stalicy Aŭstryi Suśvietnaj kanfierencyi pa pravach čałavieka (14—25 červienia 1993 hoda).
Vizit demakratyčnaha lidara ŭ Aŭstryju pačniecca 5 červienia. Cichanoŭskaja praviadzie pieramovy z Šalenbierham, inšymi členami ŭrada, sustreniecca z prezidentam krainy Alaksandram Van der Bielenam, deputatami parłamienta.
