Mikałaj Klimovič
«Pravierka pravodzicca zaŭsiody pa lubym fakcie śmierci, niezaležna ad pryčyn śmierci. Ale zvyčajna jana pravodzicca vielmi farmalna. Vusna było skazana pra toje, što vinavatych asob nie vyjaŭlena i pryčyna — jahony stan zdaroŭja. Kali zychodzić ź miedycynskaj dakumientacyi, to heta pramy vynik jaho ahulnaha stanu zdaroŭja», — raspavioŭ surazmoviec «Radyjo Racyja».
61-hadovy błohier Mikałaj Klimovič pamior u papraŭčaj kałonii № 3. Jon mieŭ invalidnaść II hrupy ŭ suviazi z surjoznym zachvorvańniem serca.
Mikałaj jašče da suda kazaŭ žurnalistam, što nie pieražyvie źniavoleńnie. Jon tam vytrymaŭ kala dvuch miesiacaŭ.
Pra śmierć Mikałaja Klimoviča ŭ viciebskaj kałonii stała viadoma 7 maja. 28 lutaha sud pryhavaryŭ jaho da 1 hoda pazbaŭleńnia voli za znak «śmiešna» pad karykaturaj na Alaksandra Łukašenku.
Čytajcie taksama:
