Fota ilustracyjnaje
Z rejsa avijakampanii UTair tady źniali dźviuch biełarusak 1993 i 2000 hadoŭ naradžeńnia. Adna ź dziaŭčat znachodziłasia ŭ ciažkim stanie, jaje špitalizavali ŭ haradskuju narkałohiju.
Paźniej stała viadoma, što 23-hadovaja pasažyrka straciła prytomnaść padčas palotu. Pryčynaj hetamu staŭ pryjom mocnadziejnaha sintetyčnaha rečyva, abarot jakoha ŭ Rasii zabaronieny. Ślady anałahičnaha narkotyku vyjavili taksama ŭ kryvi jaje 30-hadovaj siabroŭki.
U ručnoj pakłažy adnoj ź fihurantak znajšli dva fłakony z prazrystaj vadkaściu. Jak vyśvietliłasia, havorka idzie pra 1,4-butandyjoł 15-pracentnaj kancentracyi.
U vyniku dziaŭčat pryciahnuli da administracyjnaj adkaznaści za ŭžyvańnie narkatyčnych srodkaŭ abo psichatropnych rečyvaŭ biez pryznačeńnia lekara.
Małodšaj ź siabrovak prysudzili piać sutak aryštu, a starejšaj — štraf pamieram 4000 rasijskich rubloŭ (kala 146 biełaruskich). Taki vierdykt ahučyŭ Piermski rajonny sud.
Čytajcie taksama:
U Novaj Ziełandyi pasažyraŭ buduć uzvažvać pierad pasadkaj na samalot
U Paŭdniovaj Karei pasažyr adčyniŭ dźviery samalota prosta ŭ pavietry
Na rasijska-biełaruskaj miažy pierachapili bujnuju partyju kakainu. Z Rasii jechali dźvie fury
