Fota ilustracyjnaje
Biełaruskaje pytańnie ŭ paradku dnia rady stajała pieršym i atrymała stanoŭčaje rašeńnie, nichto nie vystupiŭ suprać.
Skvier, jakomu vyrašyli dać takuju nazvu, uźniknie na vulicy Elektryčnaj pobač z konsulstvam Biełarusi ŭ Biełastoku.
Takim čynam miascovyja ŭłady vyjšli sa składanaj situacyi, da jakoj pryviało rašeńnie, pryniataje na haradskoj radzie ŭ vieraśni 2022 hoda. Tady častcy vulicy Elektryčnaj, dzie kala 20 hadoŭ mieścicca konsulstva Respubliki Biełaruś, ad vulicy Varšaŭskaj da vulicy Jana Klemiensa Branickaha, dali nazvu vulicy Volnaj Biełarusi. Ale žychary vulicy vystupili suprać i pačali źbirać podpisy za viartańnie raniejšaj nazvy. Urešcie Vajavodski administratyŭny sud u pačatku sakavika 2023 hoda pryznaŭ rašeńnie haradskoj rady niepravamocnym.
Kiraŭnictva Biełastoka abiacała vyjści z hetaj situacyi, i zakładańnie skvieru akazałasia vielmi darečnym, bo na heta nie treba atrymlivać zhody žycharoŭ.
«Heta najlepšaje vyjście ŭ hetaj situacyi, jakoje i tak, biezumoŭna, budzie razdražniać režym Łukašenki», — napisaŭ z hetaj nahody ŭ svaich sacyjalnych sietkach namieśnik prezidenta Biełastoka Rafał Rudnicki.
Čytajcie taksama:
«Heta zrobić nas tolki macniejšymi». Biełaruskija vydaŭcy pradavali knihi na kirmašy ŭ Biełastoku
