Zbornaja Łatvii vyjšła ŭ 1/4 finału. Skrynšot videa
Kab vyjści ŭ 1/4 finału, Łatvii treba było ŭ matčy ź niematyvavanaj Šviejcaryjaj (kamanda finišavała daterminova ŭ hrupie pieršaj) nabrać adzin bał.
Łatvija viała ŭ liku, ale šviejcarcam udavałasia zraŭniać jaho: 1:0, 1:1, 2:1, 2:2. Potym Šviejcaryja vyjšła napierad (3:2), ale łatvijcy pry kancy treciaha pieryjadu zraŭniali: 3:3. Łatvija — u čverćfinale. U aviertajmie našy paŭnočna-zachodnija susiedzi dacisnuli Šviejcaryju — 4:3.
Hrupa A: ZŠA — 20 bałaŭ, Šviecyja — 18, Finlandyja — 16, Niamieččyna — 12, Danija — 8, Francyja — 4, Aŭstryja — 3, Vienhryja — 3.
Aŭstryja znachodzicca vyšej za Vienhryju za košt pieramohi ŭ asabistaj sustrečy.
Hrupa V: Šviejcaryja — 19, Kanada — 15, Łatvija — 13, Čechija — 13, Słavakija — 11, Kazachstan — 7, Narviehija — 6, Słavienija — 0.
Łatvija znachodzicca vyšej za Čechiju za košt pieramohi ŭ asabistaj sustrečy (4:3).
Takim čynam, u čverćfinałach zhulajuć:
- Šviejcaryja — Niamieččyna,
- ZŠA — Čechija,
- Šviecyja — Łatvija,
- Kanada — Finlandyja.
Čverćfinały projduć u čaćvier (Ryha, Tampiere), paŭfinały ŭ subotu (Tampiere), matč za 3-je miesca i finał — u niadzielu (Tampiere).
Pakidajuć elitny dyvizijon zbornyja Vienhryi i Słavienii, jakija zaniali ŭ svaich hrupach apošnija miescy. Ich zamieniać zbornyja Vialikabrytanii i Polščy, što pieramahli ŭ pieršym dyvizijonie.
Čempijanat śvietu ŭ 2024 hodzie projdzie ŭ Čechii.
Nahadajem, što zbornyja Biełarusi i Rasii druhi hod adchilenyja ad spabornictvaŭ z-za vajny va Ukrainie.
Čytajcie taksama:
Amal jak u Biełarusi. Z hetaha słavutaha futbolnaha kłuba źniali 10 bałaŭ
Kryšcijanu Ranałdu moža daterminova pakinuć Saudaŭskuju Araviju i viarnucca ŭ Jeŭropu
Z Rasijaj admoviŭsia hulać u futboł Kamierun, nibyta z-za zabarony ŭrada