Skrynšot TH-kanała «Žiołtyje ślivy»
Prapahandyscki resurs «Žiołtyje ślivy» 22 traŭnia paviedamiŭ pra hibiel va Ukrainie 12 biełaruskich dobraachvotnikaŭ pałka Kalinoŭskaha. Pry hetym resurs spasyłaŭsia na publikacyju na sajcie vajskovaha špitala ŭ polskim Lublinie, kudy nibyta dastavili cieły zahinułych pad Bachmutam dobraachvotnikaŭ.
Media IQ pravioŭ ułasnaje rasśledavańnie i ŭ vyniku vyśvietliŭ, što navina źjaŭlajecca «fejkam», a sajt, na jakim raźmieščanaja publikacyja, — prosta dakładnaja kopija sapraŭdnaj veb-staronki polskaha špitala.
Niekatoryja spasyłki na padroblenym sajcie 1wszk.eu viali na aryhinalny sajt 1wszk.pl. Dziakujučy hetamu adrazu stała zrazumieła, što sajt, na jaki spasyłajecca praŭładny resurs, — kłon sapraŭdnaj staronki špitala sa źmienienaj damiennaj zonaj u adrasie.
Staronka padroblenaha sajta
Sajty adroźnivajucca tolki tym, što na aryhinalnaj veb-staroncy niama naviny pra cieły kalinoŭcaŭ, jakija nibyta zahinuli pad Bachmutam. Sama fejkavaja publikacyja napisanaja na polskaj movie i nibyta padpisanaja realnym aŭtaram, rabotnikam špitala.
Staronka aryhinalnaha sajta nazaŭtra paśla raspaŭsiudžańnia fejka
Kab dakazać, što sajt 1wszk.eu źjaŭlajecca padrobkaj, aŭtary pravierki «prahnali» jaho praz servis Who is. Danyja zaśviedčyli, što imia ŭładalnika sajta i data jaho rehistracyi schavanyja, u toj čas jak usia infarmacyja pra sapraŭdny sajt špitala dastupnaja.
Dziakujučy praviercy danych damiena praz servis whois.eurid.eu, aŭtary rasśledavańnia zmahli pierakanacca, što sajt 1wszk.eu — iłžyvy. Damien zarehistravali tolki 19 traŭnia 2023 hoda. Heta značyć, kłon sajta špitala zarehistravali za dva dni da źjaŭleńnia na im publikacyi ab ciełach kalinoŭcaŭ. Elektronny adras, paznačany pry rehistracyi damiena, — [email protected].
Skrynšot sajta whois.eurid.eu
Pa nazirańniach Media IQ, taki mietad raspaŭsiudžvańnia fejka vykarystany ŭ biełaruskaj prapahandzie ŭpieršyniu.
Nazaŭtra paśla publikacyi chłuślivuju navinu stali raspaŭsiudžvać rasijskija prapahandysckija miedyja.
Skrynšot sajta rg.ru
U toj ža dzień, 23 traŭnia, lublinski špital apublikavaŭ terminovaje paviedamleńnie i paćvierdziŭ, što jahonaj aficyjnaj staronkaj źjaŭlajecca sajt z adrasam 1wszk.pl i što ŭstanova nie niasie adkaznaści za sajt-kłon.
Čytajcie taksama:
Čamu Markaŭ nie Sałaŭjoŭ. Čym adroźnivajecca biełaruskaja i rasijskaja prapahanda
