Evielina Hudzinskajcie. Fota: obzor.lt
Pavodle litoŭskaj čynoŭnicy, kolkaść admoŭ u vydačy dazvołu na žycharstva rezka vyrasła za apošni hod, bo Litva ŭviała admysłovyja ankiety, u jakich treba dać adnaznačny adkaz pra staŭleńnie da vajny Rasii suprać Ukrainy.
U vyniku z-za «pahrozy biaśpiecy» sioleta ŭžo 309 biełarusaŭ i 38 rasijan nie atrymali dazvołaŭ na žycharstva ŭ Litvie.
Letaś, u pieršy hod vajny, u dazvole na žycharstva ŭ Litvie admovili 163 hramadzianam roznych krain pa roznych pryčynach (ź ich usiaho 32 razy z-za pahrozy biaśpiecy).
«Rost značny», — padkreśliła Hudzinskajcie.
Pavodle jaje, niahledziačy na toje, što pazicyja Litvy ŭ adnosinach da vajny niedvuchsensoŭnaja i dobra viadomaja, kožny miesiac niekalki dziasiatkaŭ čałaviek u ankiecie zaśviedčvajuć, što padtrymlivajuć Rasiju i jaje matyvy.
«Heta ździŭlaje. Ludzi vierać tamu, što havorać biełaruski i rasijski režymy, hladziać i słuchajuć prapahandu, žyvuć u tym śviecie», — skazała čynoŭnica.
Miesiac tamu biełarusaŭ, jakija z pačatku hoda zadekłaravali padtrymku dziejańniaŭ Rasii, było 280 čałaviek.
Čytajcie taksama:
«Bolšaść jedzie pa pracy» — partret siaredniestastyčnaha biełarusa ŭ Litvie
Kim čaściej biełarusy pracujuć u Litvie?
Amal 300 biełarusaŭ nie zmahli lehalizavacca ŭ Litvie, bo padtrymlivajuć Rasiju i vajnu
A nam treba tady pytacca - prynamsi - čym była Ryžskaja damova