Eduard Babaryka amal try hady znachodzicca ŭ źniavoleńni biez suda
Eduarda Babaryku buduć sudzić za ŭchileńnie ad vypłaty padatkaŭ, lehalizacyju srodkaŭ, atrymanych złačynnym šlacham, dapamohu ŭ arhanizacyi masavych biesparadkaŭ i raspalvańni varožaści.
Pravaabaroncy aceńvajuć hetyja abvinavačańni jak palityčna matyvavanyja, ličać, što Babaryku-syna aryštavali dla cisku na Babaryku-baćku.
Pra los samoha Viktara Babaryki ničoha nie viadoma ŭžo miesiac. Raniej paviedamlałasia, što ŭ noč z 24 na 25 krasavika Viktar Babaryka byŭ špitalizavany z kałonii Navapołacka ŭ balnicu. Dalejšaje miescaznachodžańnie palitviaźnia nieviadomaje.
12 maja źjaviłasia infarmacyja ad pravaabaroncaŭ, što da svajho atrada ŭ navapołackaj kałonii jon nibyta ŭžo nie prypisany, a paźniej — pra toje, što jaho nibyta pieraviali ŭ turemnuju balnicu pry SIZA-1 u Minsku. Ni advakaty, ni rodnyja nie zmahli ź im pabačycca.
Čytajcie taksama:
Były palitviazień z navapołackaj kałonii raskazaŭ, jakoha kampramisu patrabavali ad Babaryki
«Ja vielmi nie lublu termin spraviadlivaść». Eduard Babaryka daŭ intervju ź SIZA
