Fota: Andre Penner / AP
Pazałočanaja truna ź ciełam Piele ŭstanoŭlena ŭ śpiecyjalnym maŭzalei na terytoryi abranaha im samim dla pachavańnia miemaryjała «Suśvietny niekropal». Heta 32-paviarchovy budynak, jaki ŭvachodzić u Knihu rekordaŭ Hiniesa jak samyja vysokija mohiłki ŭ śviecie.
Trochrazovy ŭładalnik Kubka śvietu pamior 29 śniežnia va ŭzroście 82 hadoŭ paśla baraćby z rakam toŭstaj kiški.
I praź piać miesiacaŭ paśla pachavańnia Piele prychilniki mohuć naviedać jaho trunu ŭ Santasie — horadzie, jaki jon pradstaŭlaŭ u 1956—1974 hadach.
Dźvie załatyja statui Piele ŭ naturalnuju vieličyniu vitajuć naviedvalnikaŭ kala dźviarej, dzie jany stajać pobač sa ściahami Brazilii i Santasa, piša Talksport.
Unutry zaŭziatary mohuć ujavić, što jany vychodziać na futbolnaje pole, tut na padłozie vyścielena štučnaja trava.
Załataja truna vystaŭlena pasiarod pakoja płoščaj 200 kvadratnych mietraŭ, na ścienach raźviešany vyjavy fanataŭ, a na zadnim płanie hučyć fanahrama apładysmientaŭ.
Taksama demanstrujucca pamiatnyja momanty z karjery Piele, u tym liku jaho 1000-y hoł i jaho firmovaje śviatkavańnie z padniatym kułakom.
Syn Piele, Edzińjo, jaki prysutničaŭ na cyrymonii adkryćcia, skazaŭ: «Heta było zroblena ź vialikaj luboŭju ludźmi, jakija viedali jaho i žyli ź im».
Fota: Andre Penner / AP
Fota: Andre Penner / AP
Fota: Andre Penner / AP
Čytajcie taksama:
Brazilija raźvitałasia ź Piele
Imia Piele ŭklučyli ŭ słoŭnik partuhalskaj movy jak sinomim słova «najlepšy»
