Na hety momant u «Ekanomie» minimalnaja cana pajezdki składaje 2,5 rubla. U jaje ŭklučanyja 4 chviliny i 1,5 km darohi. Dalej pa horadzie — nie bolš za 0,4 rubla za 1 km i nie bolš za 0,13 rubla za 1 chvilinu.
Ciapier minimalnaja cana moža padraści da 2,7 rubla, jana budzie ŭklučać užo 3 chviliny i 1,5 km. Dalej pa horadzie — nie bolš za 0,45 rubla za 1 km i nie bolš za 0,13 rubla za 1 chvilinu.
Padobny rost cenaŭ čakajecca i ŭ «Kamforcie». Minimalnaja cana pajezdki pakul składaje 3,1 rubla, budzie — 3,38 rubla. Dalej košt za 1 km moža vyraści z 0,5 rubla da 0,56 rubla pry tym ža košcie za kožnuju chvilinu.
Hety krok byŭ čakany, bo z 1 studzienia hetaha hoda dla IP była pavialičanaja staŭka padachodnaha padatku, i heta pavialičyła finansavuju nahruzku na kiroŭcaŭ.
Infarmacyju ab źmienie taryfaŭ karespandentu «Anłajniera» paćvierdzili ŭ pres-słužbie «Jandeks Go».
Čytajcie taksama:
KDK raskazaŭ, jak taksisty maštabna ŭchilalisia ad vypłaty padatkaŭ
