Ideołah «Viciebskich elektryčnych sietak» Volha Harbadziej
Ideołah zajaviła, što «zvalnieńnie hetaj katehoryi pracaŭnikoŭ istotnaha ŭpłyvu na pracoŭny praces nie maje», bo, maŭlaŭ, na DRES i bieź ich chapaje kvalifikavanych kadraŭ dla zabieśpiačeńnia bieśpierabojnaha vytvorčaha pracesu. Praŭda, nijakich ličbaŭ nie pryviała.
Miž tym, kolkaść zvolnienych na pradpryjemstvie, śćviardžaje «Viciebskaja viasna», idzie ŭžo na dziasiatki, a niekatoryja rabotniki Łukomskaj DRES śćviardžajuć nibyta, što navat na sotni. Niekatorym rabotnikam prapanujuć napisać zajavy «pa ŭłasnym žadańni», pałochajučy kiepskimi nastupstvami ŭ vypadku niazhody
Z apošniaha viadoma prynamsi pra 5 sudoŭ nad pracaŭnikami DRES, zatrymanymi ŭ minułym miesiacy. Za tak zvanaje «raspaŭsiudžvańnie ekstremisckich materyjałaŭ» traim zatrymanym prysudzili pa 20 sutak aryštu. Adzin ź ich asudžany za fotazdymak, jaki kaliści pierasłaŭ svajoj dziaŭčynie, ciapier užo žoncy. Zdymak byŭ z «ekstremisckaha» resursu, a na im — vyjava stała i łaŭki ŭ biełym i čyrvonym kolerach z Pahoniaj.
Jašče dvoje asudžanych musiać spłacić štrafy pamieram u 1110 i 2590 rubloŭ.
Pad uvahu siłavych struktur traplajuć u apošnija miesiacy ŭ Novałukomli nie tolki supracoŭniki DRES: naprykład, 20 sutak aryštu prysudzili chirurhu Siarhieju Narejku. Nie vyklučana, što jon taksama stracić pracu, niahledziačy na toje, što miedyčnych kadraŭ u Čašnickim rajonie vostra brakuje. Na 15 sutak byŭ asudžany i pastar Carkvy Chryścijan Viery Jevanhielskaj Alaksandr Zarecki.
Čytajcie taksama:
Ministr kultury: Zdradnikam nie miesca na scenie
Pryznačyli datu suda pa spravie Jaŭhiena Livianta
Viktara Babaryku mahli pieravieści ŭ balnicu minskaha SIZA — što heta kaža pra jaho zdaroŭje?
