Ułasnaručny list-zajava z asabistym podpisam 84-hadovaha Viačasłava Bahusłajeva byŭ nakiravany na imia kiraŭnika Ofisa prezidenta Ukrainy Andreja Jermaka 20 sakavika. Bahusłajeŭ padpisaŭsia ŭ im «piensijanieram, invalidam 1-j hrupy».
Pradstaŭnik ukrainskaha kaardynacyjnaha štaba pa pytańniach abychodžańnia z vajennapałonnymi Andrej Jusaŭ paviedamiŭ «Schiemam», što Ukraina i nadalej budzie ŭžyvać usie dastupnyja instrumienty dla taho, kab viartać svaich vajennapałonnych i cyvilnych asob, jakija niezakonna ŭtrymlivajucca ŭ Rasii.
Daradca kiraŭnika Ofisa prezidenta Ukrainy Michaił Padalak raniej kazaŭ, što nie vyklučaje mahčymaści abmienu Bahusłajeva, adznačyŭšy, što hety praces moža być padobnym da abmienu prarasijskaha palityka, kuma Pucina Viktara Miedźviedčuka. Taho ŭ vieraśni 2022 hoda abmianiali na 200 ukrainskich pałonnych vajskoŭcaŭ.
Taksama mahčymaść abmienu Bahusłajeva nie vyklučyŭ i kiraŭnik Słužby biaśpieki Ukrainy Vasil Maluk, ale dadaŭ, što spačatku padazravany pavinien dać usie nieabchodnyja pakazańni.
Bahusłajevu inkryminujuć dapamohu dziaržavie-ahresaru, kałabaracyjnuju dziejnaść, sadziejničańnie dziejnaści terarystyčnaj arhanizacyi i supraćdziejańnie USU. Ciapier jon pa rašeńni suda da 27 maja znachodzicca ŭ SIZA. Bahusłajeŭ usie abvinavačańni ŭ svoj adras adchilaje.
Zatrymany bujny pradprymalnik i adzin z najbahaciejšych ludziej Ukrainy, były deputat Viarchoŭnaj Rady, Hieroj Ukrainy Viačasłaŭ Bahusłajeŭ byŭ 22 kastryčnika minułaha hoda.
Čytajcie taksama:
SBU adšukała aktyvy prezidenta «Mator Sič» Viačasłava Bahusłajeva na miljony dalaraŭ
SBU paviedamiła, u čym padazrajecca Hieroj Ukrainy Bahusłajeŭ
Va Ukrainie SBU zatrymała Hieroja Ukrainy, adnaho z najbahaciejšych ludziej krainy
