Miemaryjał na miescy byłoha štałaha ŭ Masiukoŭščynie. Fota: bonchance.by
Pieršyja palavyja pošukavyja raboty byli praviedzienyja na hetym miescy ŭ mai 2016 hoda. Jany byli praciahnutyja ŭ 2020 hodzie, vialisia i ŭ 2022-m.
Pa aficyjnych źviestkach, u 2022 hodzie ŭ ahulnym liku vyjavili pareštki 852 vajskoŭcaŭ Čyrvonaj armii. Dziakujučy 46 zachavanym miedaljonam, atrymałasia vyznačyć, što jany patrapili ŭ pałon i apynulisia ŭ štałahu ŭ samym pačatku vajny: pamiž letam — vosieńniu 1941-ha i ŭ 1942-m. Udałosia taksama ŭstanavić asoby 11 zahinułych vajskoŭcaŭ.
Na miescy byłoha štałaha ŭ Masiukoŭščynie. Fota: bonchance.by
Adpaviednyja słužby zmahli adšukać svajakoŭ niekatorych z zahinułych čyrvonaarmiejcaŭ, ciapier jany žyvuć nie tolki ŭ Biełarusi, ale i ŭ inšych krainach, što niekali ŭvachodzili ŭ skład SSSR.
Čytajcie taksama:
Pry raskopkach u Bresckaj krepaści znajšli pareštki niekalkich čałaviek