Marjana Vyšamirskaja kala razbomblenaj radzilni ŭ Maryupali. Fota: Mścisłaŭ Čarnoŭ, AP Photo
U naminacyi «Słužeńnie hramadstvu» premija dastałasia ahienctvu Associated Press za pracu Mścisłava Čarnova, Jaŭhiena Małaletki, Vasilisy Ściepanienka i Łory Chinant «za advažnyja repartažy z abłožanaha horada Maryupala, jakija zaśviedčyli vyniščeńnie hramadzianskaha nasielnictva ŭ chodzie rasijskaha ŭvarvańnia», skazana ŭ paviedamleńni žury.
U naminacyi «Mižnarodnaja žurnalistyka» žury prysudziła premiju supracoŭnikam New York Times (nikoha ź ich pajmienna vyłučać nie stali) — «za ŭpartaje aśviatleńnie rasijskaha ŭvarvańnia va Ukrainu, u tym liku za vaśmimiesiačnaje rasśledavańnie śmierciaŭ ukraincaŭ u horadzie Buča i rasijskaha padraździaleńnia, adkaznaha za zabojstvy».
Associated Press taksama dastałasia premija ŭ katehoryi «Fota da terminovych navin» — «za ŭnikalnyja i terminovyja vyjavy pieršych tydniaŭ uvarvańnia Rasii va Ukrainu, u tym liku spustašeńnia Maryupala paśla sychodu adtul inšych navinnych arhanizacyj, achviar prycelnych udaraŭ pa hramadzianskaj infrastruktury i stojkaści ŭkraincaŭ, jakija zmahli ŭciačy».
Pulitceraŭskaja premija prysudžajecca tolki za publikacyi ŭ ZŠA. Associated Press i New York Times, jak viadučyja ŚMI, praktyčna kožny hod atrymlivajuć jaje.
Čytajcie taksama:
U Biełarusi adkryli pałac Bułhakaŭ paśla restaŭracyi, jakaja doŭžyłasia 14 hadoŭ
Halendry: narod Biełarusi, ad jakoha zastalisia tolki kvietki i kamiani
