Lehalizacyja pradstaŭlaje saboj śpiecyjalnuju praceduru, jakaja nakiravanaja na nadańnie aficyjnym dakumientam, składzienym na terytoryi Biełarusi dziaržaŭnymi orhanami i arhanizacyjami, jurydyčnaj siły dla ich padačy ŭ kampietentnyja orhany za miažoj.
Jak udakładnili ŭ Nacyjanalnym centry markietynhu, lehalizacyja dakumientaŭ ažyćciaŭlacca ŭ adnoj z formaŭ:
- šlacham prastaŭleńnia apastylu dla dakumientaŭ, jakija pradstaŭlajucca ŭ krainach — udzielnicach Haahskaj kanviencyi ab admienie patrabavańniaŭ lehalizacyi zamiežnych aficyjnych dakumientaŭ, jakaja była padpisanaja jašče 5 kastryčnika 1961 hoda;
- praz konsulskuju lehalizacyju dakumientaŭ, jakija pradstaŭlajucca ŭ krainy, jakija nie źjaŭlajucca ŭdzielnicami Haahskaj kanviencyi.
Praceduru apastylavańnia ŭ Biełarusi ažyćciaŭlajuć MZS, Minadukacy i Ministerstva justycyi.
Apastyl prastaŭlajecca na nastupnych dakumientach:
- paśviedčańni i daviedki, jakija vydajucca orhanami ZAHSa i archivami orhanaŭ ZAHSa (paśviedčańnie ab naradžeńni, daviedka ab adsutnaści zapisu akta ab zaklučeńni šlubu i inš.);
- vypiski z Adzinaha dziaržaŭnaha banka danych ab pravaparušeńniach, jakija vydajucca orhanami ŭnutranych spraŭ;
- daviedki ab stanie zdaroŭja i vypiski ź miedycynskich dakumientaŭ, jakija vydajucca ŭstanovami achovy zdaroŭja;
- vypiski z Adzinaha dziaržaŭnaha rehistra jurydyčnych asob i indyvidualnych pradprymalnikaŭ (ADR), jakija vydajucca Ministerstvam justycyi;
- inšyja vidy dakumientaŭ, mahčymaść prastaŭleńnia apastylu na jakija vyznačajecca pry razhladzie dakumienta.
Konsulskaja lehalizacyja ažyćciaŭlajecca ŭ dačynieńni da dakumientaŭ:
- składzienych na terytoryi Biełarusi dziaržaŭnymi orhanami i arhanizacyjami;
- składzienych pasolstvam abo konsulstvam zamiežnaj dziaržavy, akredytavanym u Biełarusi abo akredytavanym u Biełarusi pa sumiaščalnictvie;
- pakinutych na terytoryi zamiežnaj dziaržavy, u jakoj adsutničaje pasolstva abo konsulstva Biełarusi.
Nacyjanalny centr markietynhu pracuje tolki z dakumientami ad fizičnych asob.
Papiery prymuć dla ažyćciaŭleńnia pracedury lehalizacyi, kali jany adpaviadajuć hetym patrabavańniam, u pryvatnaści:
— u dakumientach nie pavinna być vypraŭleńniaŭ, padčystak, prypisak, vykreślivańniaŭ;
— pamiatyja, padranyja, paciortyja abo paškodžanyja papiery nie padlahajuć lehalizacyi;
— nazva pasady asoby, jakaja padpisała dakumient, ułasnaručny podpis i jaje rasšyfroŭka (inicyjały, proźvišča) pavinny być vyraznymi;
— adbitki aficyjnych piačatak pavinny być dobra čytelnymi;
— łaminavanyja papiery taksama nie padyduć dla lehalizacyi.
Rehijanalnyja filijały Nacyjanalnaha centra markietynhu prymajuć dakumienty dla akazańnia pasłuhi pa prastaŭleńni apastylu i konsulskaj lehalizacyi 5 dzion na tydzień — z paniadziełka pa piatnicu — z 9:00 da 12:00.
Papiarednie treba zapisacca na pryjom. Zrabić heta možna z paniadziełka pa čaćvier z 17:00 da 18:00 pa telefonach:
- Minsk: +375 (17) 204 88 53;
Hrodna: +375 (152) 55 93 92;
Brest: +375 (162) 25 14 06;
Homiel: +375 (232) 32 33 45;
Mahiloŭ: +375 (222) 71 23 40;
Viciebsk: +375 (212) 36 90 75.
Čytajcie taksama:
Vyraśli rascenki na apastyl za miažoj