5 maja Trochbakovaja rada, u jakuju ŭvachodziać pradstaŭniki prafsajuzaŭ, pracadaŭcaŭ i ŭrada, damoviłasia pra pavyšeńnie minimalnaha zarobku z 2024 hoda da 924 jeŭra «na papiery», nieabkładanaja padatkami suma (NPS) budzie pavialičana na 20%. Trochbakovaja rada prapanuje vyrašyć pytańnie minimalnaha zarobku jak maha chutčej, piša Delfi.
Prapanovu ab pavyšeńni pradstaviŭ vice-ministr sacyjalnaj abarony i pracy Vitaŭtas Šylinskas. «Heta značyć, što z 2024 hoda «na papiery» budzie 924 jeŭra. Ja spadziajusia, što pracadaŭcy padtrymajuć takuju prapanovu, heta mienš, čym prapanoŭvaŭ Centrabank, my čujem arhumienty biznesu, ich treba ŭličvać, jak i niavyznačanaść u ekanomicy, prypynak pramysłovaści», — skazaŭ Šylinskas.
Jon skazaŭ, što ŭ Minfina jość płan na 5 hadoŭ, zhodna ź jakim NPS pavialičycca da minimalnaha zarobku. «U nastupnym hodzie my chočam pavialičyć NPS da 20%. Dziakujučy pavyšeńniu minimumu na 10% i NPS na 20%, dachody ludziej «na ruki» buduć bolšyja, čym kali b pavyšeńnie było pa formule, prapanavanaj CB. Kali b my pavysili pa formule CB, to «na ruki» byŭ by 701 jeŭra, a pry ciapierašnim raskładzie — 709 jeŭra», — skazaŭ vice-ministr.
U Biełarusi minimalny zarobak składaje 554 rubli, pa siońniašnim kursie heta 173,7 jeŭra.
Čytajcie taksama:
Ad 4 da 14 jeŭra za hadzinu na ruki. Jakuju pracu prapanujuć biełarusam u ES
Kiraŭnica BiełTA pałochaje biełarusaŭ polskimi kłubnicami. A voś kolki tam zarablajuć na jahadach
Minskim arandadaŭcam i nie śniłasia. Kolki biełarusy płaciać za zdymnyja kvatery ŭ Polščy i Litvie
