Adnojčy viečaram u akvaparku na praśpiekcie Pieramožcaŭ spracavała tryvožnaja knopka — tudy nakiravaŭsia ekipaž Departamienta achovy MUS. Supracoŭnik słužby biaśpieki rastłumačyŭ milicyjantam, što pjany naviedvalnik zładziŭ bojku z ratavalnikam.
Na miescy zdareńnia milicyjanty ŭbačyli akryvaŭlenaha maładoha mužčynu, jaki lažaŭ na plitcy. Jaho trymali, kab akazać pieršuju miedycynskuju dapamohu. Adnak jon pavodziŭ siabie nieadekvatna, niecenzurna łajaŭsia.
Raptam adzin ź milicyjantaŭ adčuŭ udar pa achoŭnym šlemie, paviarnuŭsia i ŭbačyŭ pjanaha čałavieka ŭ płaŭkach, jaki staŭ chapać jaho za formu, adarvaŭ kapiušon. Milicyjant z naparnikam sprabavaŭ jaho zatrymać, ale debašyr praciahvaŭ aktyŭna supraciŭlacca, nanosiačy nahami ŭdary pa sapiernikach.
Mužčynu dastavili ŭ Centralnaje RUUS. Zatym raspačali kryminalnuju spravu. Vinu jon pryznaŭ całkam, u zroblenym raskajaŭsia, pierad paciarpiełymi vybačyŭsia.
Viadoma, što raniej da kryminalnaj adkaznaści nie pryciahvaŭsia. Adbyŭsia sud. U vyniku jamu dali paŭtara hoda kałonii ŭzmocnienaha režymu (supraciŭleńnie supracoŭniku orhanaŭ unutranych spraŭ pry vykanańni im abaviazkaŭ pa achovie hramadskaha paradku, spałučanaje z prymianieńniem hvałtu i pahrozaj jaho prymianieńnia — č. 2 art. 363 KK).
