«Znachodziačysia ŭ stanie ałkaholnaha apjanieńnia, u Pleščanicach, vykarystoŭvajučy bienzin i dyzielnaje paliva, mužčyna padpaliŭ aŭtamabil Opel Vectra «z pomsty za vykanańnie słužbovych abaviazkaŭ načalnikam adździaleńnia DAI milicyi hramadkaj biaśpieki AUS Łahojskaha rajvykankama adkaznaści», — paviedamiła pres-słužba suda.
Materyjalny ŭron acanili ŭ 17 885,88 rubla.
Žychara Łahojskaha rajona abvinavacili ŭ naŭmysnym źniščeńni čužoj majomaści, učynienym ahulnaniebiaśpiečnym sposabam, što pryviało da pryčynieńnia ŭronu ŭ bujnym pamiery (č. 2 art. 218 KK Biełarusi). Jamu prysudzili 7 hadoŭ kałonii ŭzmocnienaha režymu.
Taksama sud pastanaviŭ spahnać ź jaho kampiensacyju materyjalnaha ŭronu (15 551,88 rubla), a taksama kampiensacyju maralnaj škody (5000 rubloŭ).
Zdareńnie adbyłosia 24 studzienia: u dvary šmatkvaternaha doma ŭ Pleščanicach zhareŭ aŭtamabil načalnika rajonnaj DAI Alaksieja Trapieźnikava.
Pieršapačatkovaj viersijaj zdareńnia było karotkaje zamykańnie elektrapravodki, ale padčas śledča-apieratyŭnych mierapryjemstvaŭ vyśvietlili, što mašynu padpalili. Praz čas siłaviki zatrymali 31-hadovaha mužčynu, jakoha letaś u listapadzie pazbavili prava kiravańnia za jazdu na aŭtamabili ŭ stanie apjanieńnia. Rašeńnie pa jaho spravie vynosiŭ mienavita Trapieźnikaŭ.
