U siužecie abvinavačvajuć pravaabarončy centr «Viasna» i jaho kiraŭnika Alesia Bialackaha ŭ finansavych machinacyjach. I navat anansujuć «ščyryja pryznańni čalcoŭ arhanizacyi». Voś jak vyhladajuć tyja «čalcy», pakazanyja ŭ videa:
Skryn videa BT
Nieviadomyja ŭ kapiušonach, u zaciemnienym pakoi i sa źmienienym hołasam — adzinyja surazmoŭcy, jakich znajšła prapahanda. Vidać, sapraŭdnyja ludzi admovilisia ŭzvodzić paklop na viasnoŭcaŭ na kamiery BT.
Skryn videa BT
Viadučaja Kaciaryna Cichamirava ździekliva kaža pra Bialackaha, što jaho «premiravali sanatorna-kurortnym lačeńniem za dziaržrachunak na škoncy». Pravaabaroncu, nahadajem, dali 10 hod kałonii (viasnoŭcaŭ abvinavacili ŭ «kantrabandzie arhanizavanaj hrupaj» i «finansavańni hrupavych dziejańniaŭ, jakija hruba parušajuć hramadski paradak», choć pa sutnaści pieraśledavali za dapamohu represavanym). Za kratami Bialacki ź lipienia 2021-ha.
Letaś Aleś Bialacki atrymaŭ Nobieleŭskuju premiju. Hetu ŭznaharodu prysudzili jamu, a taksama pravaabaroncam rasijskaha «Miemaryjała» i ŭkrainskaha «Centra hramadzianskich svabod».
Čytajcie taksama:
Prapahandysty znajšli zamienu Dniu śviatoha Valancina
Što za inicyjatyva błakuje kanały Azaronka i siłavikoŭ u siecivie i jak joj heta ŭdajecca
