Rasijskija śledčyja ličać, što akcior apraŭdvaŭ dyviersiju na Krymskim moście, praviedzienuju ŭ kastryčniku minułaha hoda.
8 kastryčnika 2022 hoda na aŭtamabilnym moście, jaki viadzie z Krasnadarskaha kraju ŭ Krym, vybuchnuŭ hruzavik, paśla čaho zaharelisia čyhunačnyja cysterny z palivam na ciahniku, jaki akurat prachodziŭ mima. U vyniku abrynułasia dva aŭtamabilnyja praloty mosta, čatyry čałavieki zahinuli. Rasijskaja FSB abvinavaciła ŭ tym, što zdaryłasia, vajskovuju vyviedku Ukrainy i jaje kiraŭnika Kiryłu Budanava, SK taksama trymajecca hetaj viersii.
Spravu suprać akciora zaviali za post na hetuju temu ŭ telehram-kanale.
Alaksiej Panin źjechaŭ z Rasii ŭ Ispaniju jašče da pačatku poŭnamaštabnaj vajny va Ukrainie, ale paśla pačatku bajavych dziejańniaŭ pryjazdžaŭ na radzimu. Jon publična krytykavaŭ rasijskaje kiraŭnictva za raźviazvańnie vajny i padtrymaŭ Ukrainu, choć ad jaho hetaha mała chto čakaŭ. U minułym akcior adznačaŭsia skandalnymi i epatažnymi pavodzinami, u tym liku dapuskajučy i adkryta antyŭkrainskija vykazvańni.
Čytajcie taksama:
Ała Puhačova prylacieła ŭ Maskvu
Ukraina ŭviała słova «rašyzm» u zakanadaŭstva
Patryjarch Kirył pazbaviŭ sanu protadyjakana Andreja Kurajeva
