Fota: USU
U Biełym domie prahnazujuć, što čakany kontrnastup ukrainskich vojskaŭ pieratvorycca ŭ «kryvavuju bojniu». Pra heta piša «Ukrainskaja praŭda» sa spasyłkaj na The Washington Post.
Pavodle acenak, apublikavanych Biełym domam na hetym tydni, kolkaść zabitych i paranienych rasijskich vajskoŭcaŭ va Ukrainie rezka ŭzrasła za apošnija miesiacy: tolki sa śniežnia kala 20 tysiač rasijan zahinuli ŭ bajach, jašče 80 tysiač byli paranienyja.
Mnohija z hetych achviar, jak miarkujuć amierykanskija čynoŭniki, adbylisia ŭ Bachmucie. Pradstaŭnik Rady nacbiaśpieki Biełaha doma Džon Kirbi kaža, što amal pałova z tych 20 tysiač zahinułych rasijan — heta bajeviki PVK «Vahnier», u pryvatnaści, zavierbavanyja na front asudžanyja.
Jak ličać u ZŠA, takija žorstkija bajavyja dziejańni śviedčyć ab tym, što kryvavaja bojnia moža stać jašče bolš kryvavaj paśla pačatku kontrnastupu Kijeva z metaj advajavać akupavanyja terytoryi.
Atrymanaja ŭ kancy lutaha ŭciečka raźvieddanych pakazała, što z pačatku poŭnamaštabnaha ŭvarvańnia Rasii va Ukrainu ŭ bajach zahinuła 42,5 tysiačy vajskoŭcaŭ-rasijan i da 17 tysiač ukraincaŭ.
Staršy navukovy supracoŭnik Instytuta daśledavańniaŭ zamiežnaj palityki Rob Li, jaki ŭvažliva sočyć za kanfliktam, kaža, što rasijskija vojski panieśli značnyja straty padčas zimovaha nastupu va Uhladary, Kramiannoj, Marjincy i inšych miescach. «Kali vy atakujecie, vy, jak praviła, hublajecie bolš», — zaŭvažyŭ Li.
Uličvajučy heta, jon miarkuje, što ŭkrainski kontrnastup moža sutyknucca z padobnymi pieraškodami i pryvieści da pavieličeńnia kolkaści achviar siarod ukrainskich vajskoŭcaŭ.
Čytajcie taksama:
Ukraina stała chavać ad sajuźnikaŭ detali budučaha kontrnastupu — ŚMI
Hłabalna my hatovyja». Reźnikaŭ raskazaŭ, kali pačniecca ŭkrainski kontrnastup
Rasija zastajecca bieź śpiecnaza. Ahulnyja straty nabližajucca da 50 tysiač zabitymi
