U Minsku chočuć pavialičyć kolkaść kamier videanazirańnia da 30 tysiač. Fota: HUUS Minharvykankama
Pavodle jaho słoŭ, siońnia ŭ stalicy ŭstalavana bolš za šeść tysiač kamier, i ŭ płanach pašyryć hetuju sietku da 30 tysiač.
«Minsk — adziny ŭ krainie horad, dzie ŭ milicyi jość ułasnaja słužba videanazirańnia. Jana achoplivaje ŭsie stancyi mietro, vakzały, bujnyja spartyŭnyja abjekty i handlovyja centry, zabaŭlalnyja ŭstanovy, AZS.
Vyjavy z bolš čym 1100 kamier, padklučanych da respublikanskaj sistemy manitorynhu, pieradajucca ŭ słužbu videanazirańnia HUUS i tranślujucca ŭ režymie anłajn na videaścianu z 24 ekranaŭ. Dziakujučy hetamu, supracoŭniki, nacisnuŭšy ŭsiaho niekalki kłaviš, mohuć adšukać parušalnika navat u płyni ludziej i mašyn», — apisvaje miechanizm sačeńnia Michaił Hryb.
Jon praanansavaŭ taksama stvareńnie ŭ bližejšyja miesiacy asobnych padraździaleńniaŭ na bazach RUUS, jakija buduć śpiecyjalizavacca na pracy z dronami.
Aproč inšaha, zhadvajecca ab stvareńni asobnaj hrupy manitorynhu vulic Zybickaj i Revalucyjnaj u Centralnym rajonie Minska, dzie skancentravanaja vialikaja kolkaść baraŭ i restaranaŭ.
Čytajcie taksama:
U Minsku prasłušku ciapier rasstaŭlajuć nie tolki ŭ kvaterach, ale i na niekatorych vulicach
