U Minskim haradskim sudzie 20 studzienia ahučyli prysud palitźniavolenym supracoŭnicam MTBanka — 7 i 6,5 hoda kałonii va ŭmovach ahulnaha režymu.
Maci i dačku asudzili za pieradaču ŭ 2020 hodzie danych siłavikoŭ u telehram-kanał «Čornaja kniha Biełarusi» pa troch artykułach: č. 3 art 130 (raspalvańnie inšaj sacyjalnaj varožaści), č. 3 art. 203-1 (niezakonnyja dziejańni ŭ dačynieńni da infarmacyi ab pryvatnym žyćci i piersanalnych dadzienych), art. 352 (niepravamiernaje zavałodańnie kampjutarnaj infarmacyjaj), piša «Viasna».
Učora Viarchoŭny sud razhladzieŭ apielacyjnyja skarhi palitźniavolenych. Sudovaja kalehija pad staršynstvam sudździ Siarhieja Hurava pryniała rašeńnie pakinuć prysudy bieź źmienaŭ, a skarhi biez zadavalnieńnia. Chutka ich etapujuć u kałoniju.
Padtrymajcie palitźniavolenych: SIZA-1, 220030, Minsk, Vaładarskaha, 2 (Valeryja Andrejeŭna Hlinskaja, Ina Valerjeŭna Hlinskaja).
Čytać taksama:
U Bierazinie apošnija miesiacy adbyvajucca zatrymańni pa palityčnych matyvach
Udzielnikam vielikodnaha fłešmobu ŭ Minsku dali vielizarnyja štrafy
