Ministerstva kultury, infarmacyi, sportu i maładziožnaj palityki Kyrhyzstana jašče 23 studzienia źviarnułasia ŭ Leninski rajonny sud Biškieka ź iskam ab spynieńni dziejnaści ŭstanovy «Azatyk Miedyja» jak srodku masavaj infarmacyi.
U viedamstvie zajavili, što «Azatyk Miedyja» praihnaravaŭ patrabavańnie vydalić videamateryjał pra kanflikt, jaki adbyŭsia ŭ vieraśni 2022 hoda na kyrhyzska-tadžykskaj miažy.
U Minkultury ličać, što «dziejańni «Azatyk Miedyja» supiarečać patrabavańniam zakona «Ab srodkach masavaj infarmacyi», u adpaviednaści z artykułam 23 jakoha, nie dapuskajecca prapahanda vajny, hvałtu i žorstkaści, nacyjanalnaj, relihijnaj vyklučnaści i nieciarpimaści da inšych narodaŭ i nacyj».
16 vieraśnia 2022 hoda Minkultury Kyrhyzstana kanstatavała, što ŭ adnym ź videamateryjałaŭ na «Azatyk Miedyja» «byli vykarystanyja elemienty movy varožaści, niepaćvierdžanaja infarmacyja». Patrabavańnie vydalić materyjał redakcyja praihnaravała, paśla čaho resurs byŭ zabłakavany. Paźniej paviedamlałasia ab błakavańni bankaŭskich rachunkaŭ «Azatyk Miedyja».
Čytajcie taksama:
U Maskvu na Dzień Pieramohi źbirajecca tolki adzin kiraŭnik zamiežnaj dziaržavy
Kyrhyzstan ekstradavaŭ biełarusa, jaki atrymaŭ status biežanca va Ukrainie
