«Vyrašyŭ usio ž dać dostup da svaich napracovak. Tut zahrehavanaje ŭsio, što było ŭ kamandy Ubuntu, Telegram, asobnyja adzinki terminaŭ z MS, Google i Samsung, a taksama maje napracoŭki i dadatkovyja tłumačeńni. Karystajciesia!» — napisaŭ Alaksandr u tvitary.
Znajści poŭny dakumient možna na spasyłcy. Jon raźbity na niekalki katehoryj: aryhinał termina na anhlijskaj; prykład pierakładu na biełaruskuju; jak nie treba pierakładać; i zaŭvahi (naprykład, ź jakoj technałahičnaj bazy było ŭziataje toje albo inšaje słova; taksama jość karysnyja spasyłki). U bazie 5000+ terminaŭ i fraz.
Kali chočacie dałučycca da pierakładu — pišycie aŭtaru (jaho kantakty jość tut).
Voś niekalki prykładaŭ sa śpisu:
- accelerator/booster — paskaralnik;
- adjust — rehulavać; dapasavać;
- app/application — prahrama. A voś supplement — heta dadatak;
- bar — panel (jašče — pałoska; pałasa);
- bug — pamyłka, ale bug fixes — vypraŭleńnie chib;
- check box — ptuška (tick taksama moža być «ptuška» albo jak «paznaka; paznačyć»);
- download — spampavać, spampoŭvać;
- developer — raspracoŭščyk;
- digital citizenship — sieciŭny etykiet;
- firewall — mižsietkavy ekran;
- game — hulnia; game activity hulniavaja dziejnaść, a players — hulcy;
- hardware — aparatny; abstalavańnie, aparatnaje zabieśpiačeńnie;
- mouse wheel — kołca myšy;
- network — sietka;
- provider — pastaŭščyk; słužba;
- roaming — roŭminh (mienavita praz ŭ);
- scales — vahi;
- tag — cetlik (klučavoje słova) albo teh (elemient raźmietki);
- tilt — nachił; nachilić;
- uploader — zapampavalnik, zapampoŭščyk; zahruzčyk. A uploading — zapampoŭvańnie
- user — karystalnik
A voś, naprykład, Twitter tak i budzie Twitter, bo zhodna z bazaj Samsung, hetaja «handlovaja marka nie maje zarehistravanaha adpaviedniku na biełaruskaj».
Alaksandr Klujeŭ apisvaje siabie jak biełaruskaha palityčnaha aktyvista, sakratara «ZBS — Zadzinočańnia biełaruskich studentaŭ», Golang back-end raspracoŭščyka i pierakładčyka. Apošnija hady jon zajmajecca na hramadskich pačatkach pierakładam šerahu prahram na biełaruskuju (u pryvatnaści, Telegram, Psiphon, Ubuntu, Typora i Anki). Kaža, što pačaŭ rabić heta, kab «raźvivać svaju movu», bo ciapier z terminałohijaj na biełaruskaj — vialikija prablemy.
Pračytać intervju z Alaksandram možna tut.
«Ptuška» i «ślimak». Jak 10 hod tamu entuzijasty stvarali IT terminy na biełaruskaj
