Imiony spartoŭcaŭ nie nazyvajucca.
«Ja nie budu dzialicca padrabiaznaściami, chto heta, ale šerah hulcoŭ užo padpisali. My vysłuchali vodhuki spartoŭcaŭ za minuły hod, i jany skazali, što chacieli mieć mahčymaść padpisać dekłaracyju. Jany całkam razumiejuć, na što jany padpisvajucca», — zajaviła 25 krasavika Sali Bołtan, vykanaŭčy dyrektar Usieanhlijskaha kłuba łaŭn-tenisa i krakieta (AELTC), arhanizatara Uimbłdonu.
Kab udzielničać u sioletnich spabornictvach, rasijskija i biełaruskija spartoŭcy pavinny pahadzicca prymać udzieł u ich u niejtralnym statusie, nie rabić zajaŭ u padtrymku vajny va Ukrainie i nie atrymlivać finansavańnie ad rasijskaj i/abo biełaruskaj dziaržaŭ i kampanij, jakija jany kantralujuć.
U 2022 hodzie arhanizatary Uimbłdonu vyrašyli nie dapuskać pradstaŭnikoŭ Rasii i Biełarusi da ŭdziełu ŭ spabornictvach, za što Asacyjacyja tenisistaŭ-prafiesijanałaŭ (ATP) i Žanočaja tenisnaja asacyjacyja (WTA) źniali z turniru rejtynhavyja bały.
U sakaviku 2023 hoda Uimbłdon abviaściŭ, što źniaŭ tatalnuju zabaronu, ale ciapier tenisisty pavinny padpisać dekłaracyju.
Čytajcie taksama:
Mižnarodnaja fiederacyja stralby z łuka dapuskaje biełarusaŭ da spabornictvaŭ
