Fota: pixabay.com
Pa vynikach minułaha hoda Biełaruś zajmała 31-je miesca ŭ Jeŭropie pa kolkaści brendavanych kaviarniaŭ. Takimi ŭ našaj krainie paličyli 98 punktaŭ, ź jakich 74 śpiecyjalizujucca mienavita na kavie, astatnija aryjentavanyja na ježu. Takija danyja ŭtrymlivajucca ŭ daśledavańni infarmacyjnaj płatformy Allegra Project Café Europe 2023, piša Office Life.
Pa danych ekśpiertaŭ, u minułym hodzie kavavy siehmient u Biełarusi pakazaŭ rost u 1,4%, ale pry hetym ahulnaja kolkaść brendavanych punktaŭ nie źmianiłasia.
Rost dasiahnuty ŭ asnoŭnym dziakujučy raźvićciu mižnarodnaj sietki Cofix, jakaja pavialičyła svaju prysutnaść na rynku Biełarusi da 47 punktaŭ. U płanach sietki — naraścić kolkaść punktaŭ da kanca 2023 hoda da 50.
Brend Cofix źjaviŭsia ŭ Izraili ŭ 2013 hodzie, na mižnarodny rynak sietka vyjšła ŭ 2016-m, adkryŭšy punkt u Rasii. U Biełarusi pieršyja kaviarni hetaj sietki zapracavali ŭ 2019 hodzie.
Taksama ŭ trojku ŭvajšli dźvie biełaruskija kavavyja sietki — Paragraph i Smile Coffee.
Chto dzielić rynak kaviarniaŭ u Biełarusi, vyniki daśledavańnia. Skrynšot Office Life
Daśledavańnie nie ŭklučaje ŭ siabie biełaruskuju sietku Hotfix, u jakuju ŭvachodzić kala 20 punktaŭ. Kampanija raźvivaje sietku kaviarniaŭ ź fiksavanymi cenami i płanavała aktyŭna zajmać rasijski rynak, adnak z prasoŭvańniem tam uźnikli prablemy.
