Bieśpiłotnik, razłamany napałovu, «zabrali na ekśpiertyzu, padčas jakoj buduć ustanoŭleny tyja, chto jaho zapuściŭ, i toje, kudy jon lacieŭ», zajaviła krynica ahienctva TASS.
Telehram-kanał Baza paviedamiŭ krychu bolš padrabiaznaściaŭ. Pa źviestkach vydańnia, abłomki latalnaha aparata znajšła miascovaja žycharka, jakaja pryjšła ŭ les chavać kaciania. Jana nie stała paviedamlać u palicyju, bo spałochałasia, što jaje pakarajuć za niezakonnaje pachavańnie žyvioły.
Akramia taho, jana vyrašyła, što heta «niečaja cacka», i prosta skinuła fatahrafii drona ŭ čat sadovaha tavarystva. U palicyju pra bieśpiłotnik paviedamiŭ adzin z udzielnikaŭ čata.
Bieśpiłotnik (pa danych Baza, heta UJ-22 Airborne) nios 17 kiłahramaŭ vybuchoŭki. Jak miarkujecca, latalny aparat upaŭ, tamu što ŭ jaho skončyłasia paliva.
