Mikałaj Barcoŭ i Džašarbiek Uździenaŭ.
Barcovu było 77 hadoŭ. Jon pamior u svaim domie ŭ Lebiadziani Lipieckaj vobłaści.
Deputat uvachodziŭ u śpis najbahaciejšych rasijan pa viersii Forbes. U 2021 hodzie časopis aceńvaŭ jaho bahaćcie ŭ 550 miljonaŭ dalaraŭ. Asnoŭny kapitał Barcova — srodki, atrymanyja paśla taho, jak jon i jaho partniory pradali karparacyi PepsiCo 75,5% akcyj kambinata sokaŭ «Lebiadzianski» (brendy «Ja», «Fruktovy sad»).
Paśla pačatku vajny va Ukrainie Mikałaj Barcoŭ znachodziŭsia pad sankcyjami ZŠA i inšych zachodnich krain. Va Ukrainie Barcova i jašče niekalki deputataŭ Dziarždumy zavočna pryhavaryli da 15 hadoŭ pazbaŭleńnia voli za pryznańnie niezaležnaści samaabvieščanych «DNR» i «ŁNR».
Džašarbieku Uździenavu było 56 hadoŭ. U paviedamleńni «Adzinaj Rasii» nie havorycca pra abstaviny śmierci, adnak udakładniajecca, što Uździenaŭ pamior «paśla ciažkaj i praciahłaj chvaroby».
