Infakazačka Bondarava ciapier vučyć, jak adziavać i stryhčy dziaciej 37

Volha Bondarava. Fota: jaje staronka ŭ Facebook

Chłopčyk, na jakoha nakinułasia Bondarava, na tak zvanym «antyfašysckim» kamunistyčnym forumie ŭ Minsku, zaśpiavaŭ pieśniu «Biełaviežskaja pušča». Infakazačcy nie spadabałasia, što ŭ jaho doŭhija śvietłyja vałasy i broška na hrudziach. Jana nazvała jaho «hiendarna-niejtralnaj istotaj».

Paśla vydaliła pieršy dopis. I napisała druhi, bolš žorstki. «Źlapili ani chłopčyka, ani dziaŭčynku, a istotu niezrazumiełaj hiendarnaj identyčnaści… I demanstrujuć hety cud na patryjatyčnych mierapryjemstvach», — piša jana ŭ svaim kanale. A paśla nazyvaje «naśmieškaj» vystup chłopčyka.

Skrynšoty z kanała infakazački Volhi Bondaravaj

Paśla jana pajšła dalej — hłumliva prapanavała čytačam vyznačyć, jakoha poła chłopiec. I zaklikała zabaranić jamu vystupać.

Skrynšoty kanała infakazački Volhi Bondaravaj

Volha Bondarava vykarystoŭvajecca łukašenkaŭcami dla stvareńnia iluzii «inicyjatyvy źnizu» dla patrebnych uładam prapahandysckich i palityčnych kampanij.

Volha Bondarava — jana vystupaje suprać usiaho biełaruskaha i taho, što sama vyznačaje jak «zachodniaje». Tak, ź jaje padačy prybrali pomnik z mohiłak Łarysy Hienijuš i źniščyli muziej Anatola Biełaha ŭ Starych Darohach.

Na sudzie nad čałaviekam, chto pieraškadžaŭ joj zamaloŭvać biełaruskaje hrafici, vyjaviłasia, što jana sudzimaja i biespracoŭnaja.

Čytajcie taksama:

«Ci varta peckacca, papularyzujučy hetuju hramadzianku?» Častka prapahandystaŭ pajšła vajnoj na Bondaravu

«Zajavu na ŭsialaki vypadak ja napisała». Prarasijskija aktyvistki abmierkavali, jak łacinka i «Naša Niva» sapsavali im žyćcio

Infakazačka Bondarava pastupiła ŭ BDPU. Zdahadajciesia, na jakuju śpiecyjalnaść

U Hrodnie na «chimiju» asudzili čałavieka, jaki pieraškadžaŭ «jabaćkam» zamaloŭvać BČB na tratuary. Žančyna vyjaviłasia sudzimaj i biespracoŭnaj

3

32

8

1

1

70

Nashaniva.com