22.04.2023
/ 20:27 / Ałharytmičny łacinski varyjant
Archijepiskapa Arciemija pachavajuć na Čyžoŭskich mohiłkach u Minsku
Raźvitańnie z archijepiskapam Arciemijem projdzie z 13:00 23 krasavika pa 12:00 24 krasavika ŭ Śviata-Pakroŭskim kafiedralnym sabory ŭ Hrodnie, paviedamlajecca na aficyjnym sajcie Biełaruskaj pravasłaŭnaj carkvy.
U paniadziełak, 24 krasavika, a 8-j hadzinie ranicy ŭ Śviata-Pakroŭskim kafiedralnym sabory Hrodna raspačniecca liturhija, paśla jakoj budzie praviedzieny čyn adpiavańnia.
Apoŭdni 24 krasavika cieła pamierłaha pieraviazuć u Minsk na Čyžoŭskija mohiłki. A 15-j hadzinie adbudziecca paminalnaja lityja, paśla jakoj archijepiskapa pachavajuć pobač z mahiłami jahonych svajakoŭ.
Były pravasłaŭny archijepiskap Haradzienski i Vaŭkavyski Arciemij pamior nočču z 21 na 22 krasavika na 71-m hodzie žyćcia paśla ciažkaj chvaroby.
U žniŭni 2020 hoda Arciemij byŭ adzinym ź biełaruskich pravasłaŭnych ijerarchaŭ, chto publična i niedvuchsensoŭna asudziŭ falsifikacyju vybaraŭ i hvałt siłavikoŭ, za što ŭ červieni 2021 hoda Sinod BPC pazbaviŭ jaho pasady.
Čytajcie taksama:
«Straciŭšy vysokaje stanovišča, jon zachavaŭ sumleńnie, pavahu i miesca ŭ historyi». Za što my šanujem uładyku Arciemija
«Usio, što spuščana źvierchu, — usio śviatoje». Archijepiskap Arciemij raskryŭ, čamu staŭ niepažadanym dla RPC
Były archijepiskap Hrodzienski Arciemij: Jak chočacca pamierci tak, kab nie było soramna, što ja śviatar!
Archijepiskap hrodzienski — nastaŭnikam: «Vam na kaleniach treba stajać, za ŭsie falsifikacyi, za tuju chłuśniu»
Nashaniva.com
