Leanid Kułakoŭ. Archiŭnaje fota: «Viasna»
Nakolki viadoma, takoje paviedamleńnie pryjšło aktyvistu z ofisa mabilnaha apieratara A1. Leanida prainfarmavali, što atrymali takoje patrabavańnie z adździeła prymusovaha vykanańnia Pieršamajskaha rajona Minska.
Leanid Kułakoŭ dvojčy adbyvaŭ 15 sutak aryštu na Akreścina za apošnija try hady. Pieršy raz jaho previentyŭna zatrymali napiaredadni prezidenckich vybaraŭ u lipieni 2020 hoda. Druhi — letaś, i taksama previentyŭna ŭ siaredzinie sakavika pierad Dniom Voli.
Ahułam ź Leanida sprabujuć spahnać bolš za 340 rubloŭ. Sudovyja vykanaŭcy dasłali list, kab ciaham dvuch tydniaŭ jon zapłaciŭ usiu sumu. Ale Leanid maje piensiju ŭ 345 rubloŭ, jakuju jon tolki pačaŭ atrymlivać, nie mienš za 120 rubloŭ jamu treba zapłacić za žytło i kamunalnyja pasłuhi.
Nieviadoma, čamu sudovyja vykanaŭcy nie stali vyličvać hrošy ź piensii, a zahadali adklučyć srodki suviazi. Źviazacca z adździełam prymusovaha vykanańnia, kab tyja dali kamientar, my nie zmahli.
Čytajcie taksama: Chvoraha aktyvista Leanida Kułakova pavieźli adbyvać aryšt 15 sutak
