Imiony i proźviščy novych palitviaźniaŭ — Uładzisłaŭ Siomucha, Viktar Žavaranak, Alina Horava, Andrej Sinica, Halina Śmirnova, Pavieł Kučaravienka, Darja Iksanava, Dzianis Ancileŭski, Dźmitryj Pałtarak.
Chto hetyja ludzi i čamu pravaabarončyja arhanizacyi ličać ich spravy palityčna matyvavanymi — hladzicie tut.
Śpis usich palitviaźniaŭ Biełarusi — tut.
Ahulnaja kolkaść palitviaźniaŭ dasiahnuła 1494 čałaviek i ź minułaha razu navat pamienšyłasia na 4 čałavieki (14 krasavika ahulnaja kolkaść pryznanych palitviaźniaŭ była 1498). Apošnim časam ahulny rost nie vielmi vialiki, ale nie tamu, što represii ŭ Biełarusi pamianšajucca, — prosta paralelna z novymi pasadkami pa kryminalnych spravach idzie praces vyzvaleńnia tych źniavolenych, jakija całkam adbyli svaje terminy. Taksama sudy niekatorym prysudžajuć «chatniuju chimiju», paśla čaho čałaviek vychodzić z-za turemnych ścien, tamu bolš nie ličycca viaźniem.
Varta taksama ŭličvać, što ŭ statystyku ŭvachodziać daloka nie ŭsie, chto znachodzicca ŭ źniavoleńni pa palityčnych pryčynach, realnaja kolkaść biełaruskich palitviaźniaŭ našmat bolšaja. Pra vielmi mnohich pravaabaroncam prosta ničoha nie viadoma.
Čytajcie taksama:
Kačanava dała Šviedu hramatu za «zabieśpiačeńnie pravoŭ i svabod» i pažadała dalejšych pośpiechaŭ
Što za kabiniety, dzie prapahandysty zapisvajuć intervju z zatrymanymi?
