— Na siońniašni dzień na vulična-darožnaj sietcy stalicy viadziecca kapitalny ramont i rekanstrukcyja piaci abjektaŭ, zakazčykam jakich vystupaje naša pradpryjemstva, — adznačyŭ kiraŭnik «Hardarbuda» Siarhiej Panieŭ. — Heta puciepravod na 25-m kiłamietry Minskaj kalcavoj darohi ŭ rajonie vyjezdu ŭ kirunku Bresta, na jakim całkam demantavana pralotnaje zbudavańnie z vonkavaha boku. U chutkim časie płanujem pačać tut mantaž novych belečnych kanstrukcyj. Druhi puciepravod znachodzicca ŭ rajonie prymykańnia Zaparožskaj płoščy i vulicy Radyjalnaj. Tam užo demantavanaja pieršaja pałova štučnaha zbudavańnia. Ciapier mostabudaŭniki zajmajucca ramontam i adnaŭleńniem ryhielaŭ i taksama nieŭzabavie płanujuć pačać mantaž novych pralotnych budynkaŭ.
Pa słovach Panieva, praciahvajucca raboty pa dobraŭparadkavańni i na dvuch užo mastavych zbudavańniach, transpartny ruch na jakich byŭ całkam adnoŭleny letaś.
Heta samy praciahły ŭ stalicy puciepravod na praśpiekcie Žukava ŭ rajonie stancyi Minsk-Sartavalny daŭžynioj 460 m i raźmieščany pobač ź im puciepravod na skryžavańni z vulicaj Čyhunačnaj. Skončany avaryjna-adnaŭlenčyja raboty na puciepravodzie na vulicy Vaŭpšasava. Tut taksama treba budzie pravieści kapitalny ramont. Užo vykanana ŭzmacnieńnie ryhielaŭ zbudavańnia, na jakim pa jaho centralnaj častcy časova abmiežavany ruch.
Nazvać terminy kančatkovaj zdačy vyšejnazvanych abjektaŭ u ekspłuatacyju Siarhiej Panieŭ admoviŭsia, zaznačyŭšy, što buduć staracca heta rabić chutčej.
«Kali ŭsio atrymajecca, taksama płanujem pačać da kanca hoda kapramont jašče troch puciepravodaŭ. Na vulicy Čkałava ŭ rajonie Instytuta kultury, na vulicy Karła Libkniechta, a taksama na vulicy Vaŭpšasava, kali ŭdasca vyrašyć pytańnie pa znosie kaapieratyŭnych haražoŭ, jakija znachodziacca pobač».
Čytajcie taksama:
«Iržavy most» cieraź Śvisłač u Minsku znoŭ adkryli dla karystańnia
Zaviaršyli ramont pantonnaha mosta pamiž Čyžoŭkaj i Sierabrankaj u Minsku
