Andrej Pukanaŭ
Spravu razhladała sudździa Žanna Bal.
Pukanava zatrymali 18 studzienia 2023 hoda. Siłaviki pryjšli da jaho na pracu, a pa miescy žycharstva byŭ praviedzieny pieratrus. Da suda byŭ źmieščany ŭ SIZA №3 Homiela.
U praŭładnym pabliku nieŭzabavie źjaviłasia tak zvanaje «pakajannaje» videa z udziełam Andreja Pukanava. U im jon raspaviadaje, što byŭ zatrymany za dopis u fejsbuku z paklopam na Łukašenku.
U vyniku Andreja Pukanava asudzili na dva hady kałonii.
Andrej Pukanaŭ — nastaŭnik niamieckaj movy i bakałaŭr bahasłoŭja, pravasłaŭny viernik. U Homieli jon viadomy jašče jak krajaznaŭca, siabra Biełaruskaha hieahrafičnaha tavarystva. U 1990-ja hady Andrej byŭ siabram krajaznaŭčaj arhanizacyi «Tałaka», raspracoŭvaŭ aŭtarskija kursy pa hieahrafii dla filii Kołasaŭskaha liceja ŭ Homieli. Paźniej zajmaŭsia hramadskaj dziejnaściu, sprabavaŭ bałatavacca ŭ Pałatu pradstaŭnikoŭ.
