Kab zavajavać davier, važna hladzieć na surazmoŭcu, a nie pa bakach ci ŭ telefon
Mova cieła zaŭsiody pakazvaje vaša staŭleńnie da toj ci inšaj žyćciovaj situacyi. Takim čynam, abaviazkova źviarnicie ŭvahu na niekatoryja žesty, a potym źmianicie ich ci padkarektujcie, kab zrabić pazityŭnaje ŭražańnie na surazmoŭcu.
Nie śpiašajciesia, nie mitusiciesia
Padčas sustrečy starajciesia nie mitusicca. Pastarajciesia supakoicca da jaje pačatku. U hetym vam dapamoža cykličnaje dychańnie. Chutkaść ruchu pavinna być umieranaj, bieź mituśni, ale i nie zanadta rassłablenaj. Starajciesia padčas razmovy nie mitusicca, kali treba dastać niejkuju reč z partfiela ci kišeni. Lišnija nachiły, varušeńni, pacirańni iłba ci dałoniaŭ stvarajuć vobraz čałavieka, jakomu nie chočacca daviarać.
Pravilna paciskajcie ruku
Pocisk ruki taksama važny. Kali čałaviek pry pocisku vykarystoŭvaje dźvie svaje ruki, to takim čynam jon demanstruje ščyraść, spahadlivaść i hłybiniu svaich pačućciaŭ. Levaja ruka pry hetym vykarystoŭvajecca dla pieradačy dadatkovych pačućciaŭ adnosna subiasiednika. Ciopłyja pačućci demanstruje padtrymka inicyjataram pocisku ruki subiasiednika za łokać.
Nie rekamiendujecca pry pocisku pavaročvać ruku subiasiednika tak, kab vaša ruka apynułasia źvierchu. Heta śviedčyć ab vašym imknieńni da daminavańnia. Kali ž vy praciahniecie ruku dałońniu ŭvierch, to takim čynam prademanstrujecie svaju hatoŭnaść pryniać rolu padnačalenaha. Što taksama nie dobra.
Hladzicie na čałavieka, a nie ŭ dal
Padtrymka zrokavaha kantaktu padčas hutarki dapamoža vyklikać davier. Tamu ni ŭ jakim razie nie rekamiendujecca padčas razmovy hladzieć pa bakach, razhladać svaje častki cieła ci hladzieć u telefon. Imkniciesia «słuchać» vačyma. Heta jak by havoryć ab tym, nakolki vam važny subiasiednik. I nie hladzicie z-pad iłba. Vaš surazmoŭca padumaje, što vy jaho ŭ niečym padazrajacie. Da taho ž, psichołahi adznačajuć, što kali padčas razmovy zrokavy kantakt z boku surazmoŭcy zajmaje mienš za tracinu času, to vam chłusiać.
Trymajcie adkrytuju pozu
Psichołahi nie rekamiendujuć padčas razmovy pierakryžoŭvać ruki ci nohi. Takaja poza śviedčyć ab zakrytaści čałavieka. Skryžavanyja nohi ci ruki mohuć za nas skazać, što my abaraniajemsia ad surazmoŭcy ci prajaŭlajem upartaść. Padobnaja poza zabłakuje lubuju sprobu ŭstalavać kantakt, nie kažučy ŭžo pra davier. Vaša cieła pavinna vyhladać maksimalna rassłablenym i adkrytym — tak vy budziecie lepš čuć dumki inšych.
Nie chavajciesia za stałom
Padčas razmovy starajciesia zaniać miesca tak, kab pierad vami nie było nijakich pieraškod kštałtu stała, bo heta moža skazać pra toje, što vy imkniaciesia stvaryć dadatkovyja barjery. Pra adsutnaść pieraškod pamiž vami i surazmoŭcam dobra budzie śviedčyć raźmiaščeńnie na adkrytaj prastory.
Znachodźciesia na adnym uzroŭni
Kali padčas razmovy vy zojmiecie vyšejšy stuł, siadziecie na stoł ci ŭstaniecie, kali vaš partnior praciahnie siadzieć, to takim čynam vy skažacie, što chočacie zaniać daminujučaje stanovišča. Heta tolki naškodzić davierlivym adnosinam. Kali ž u vas razmova adrazu ź niekalkimi ludźmi, to starajciesia zaniać miesca siarod ich, być ź imi na adnym uzroŭni. Heta pryniasie značna lepšyja vyniki.
Vykarystoŭvajcie darečnyja dotyki
Viadoma, što lohki dotyk da ruki subiasiednika padčas razmovy moža skazać pra našu maŭklivuju padtrymku. Dotyk plača abo łokcia kaža pra vaša razumieńnie i supieražyvańnie značna bolš za banalnuju frazu «Mnie tak škada». Adnak budźcie vielmi akuratnyja ŭ płanie dakranańniaŭ na pracy, bo heta moža być niapravilna rastłumačana. Da taho ž, treba ŭličvać, što takoje zbližeńnie pryvodzić da ŭvarvańnia ŭ «intymnuju zonu» subiasiednika. A heta moža vyklikać dadatkovy dyskamfort.
Starajciesia kivać i ŭśmichacca
Vaš subiasiednik budzie bolš upeŭnienym, kali budzie bačyć, što jaho słovy vam zrazumiełyja. Dobrym nievierbalnym sposabam jamu heta prademanstravać stanie vaša ŭśmieška i kivańnie hałavoj. Hałoŭnaje pry hetym nie pierastaracca. Nie zaŭsiody ŭśmieška adpaviadaje atrymanaj infarmacyi. A zališniaje kivańnie hałavoj moža być rascenienaje jak drennaja hulnia.
Nie viadzicie šmat zapisaŭ
Praźmiernaje kanśpiektavańnie padčas razmovy pryvodzić da straty zrokavaha kantaktu. Da taho ž, najaŭnaść natatnika i viadzieńnie zapisaŭ prymušaje vašaha surazmoŭcu adčuvać siabie mienš kamfortna.
Rasšpilicie huziki na pinžaku
Čałaviek, jaki daviaraje svajmu subiasiedniku, nie budzie zašpileny na ŭsie huziki. Pamiž ludźmi z rasšpilenymi pinžakami namnoha lahčej dasiahajecca zhoda. Tamu rasšpiliciesia, abo zdymicie pinžak pierad razmovaj. Zrazumieła, kali heta dazvalaje situacyja.
Sačycie za svaimi žestami
Padčas razmovy starajciesia nie rabić lišnich ruchaŭ rukami. Čałaviek, jaki havoryć davierliva, nie budzie prykryvać rot, pačesvać nos ci hałavu. Jak abaronnaja pazicyja moža być uspryniataje pahładžvańnie šyi dałońniu ci papraŭleńnie pryčoski.
Pamiatajcie, što chavańnie ruk u kišeni ci ich skryžavańnie moža skazać subiasiedniku, što vy nie ščyryja. Adkrytaść da subiasiednika dobra demanstrujuć adkrytyja dałoniami ŭvierch ruki. Čałavieku, jaki padmanvaje, vielmi ciažka trymać ruki adkrytymi dałoniami ŭvierch. Nie vierycie? Pasprabujcie!
Čytajcie jašče:
Toje, jak my trymajem kubak, raskryvaje asablivaści našaha charaktaru
