Olivier raspavioŭ, što ŭ jaho byŭ kompleks, źviazany ź piśmom i čytańniem, jašče sa školnych časoŭ, pakolki heta davałasia jamu ź vialikaj ciažkaściu, piša Bi-bi-si.
Tolki što z druku vyjšła jaho pieršaja kniha, napisanaja dla dziaciej z takimi ž prablemami. Padčas intervju Olivier niekalki razoŭ ź ciažkaściu spraŭlaŭsia z emocyjami i adznačyŭ, što dla jaho, mahčyma, heta — samaja važnaja kniha.
«Prosta mnie zdajecca, što ja narešcie zdoleŭ pazbavicca ad ciažkich uspaminaŭ školnych hadoŭ, jakija jość va ŭsich, chto adčuvaŭ ciažkaści z navučańniem», — skazaŭ jon.
Olivier napisaŭ knihu «Bili i vialikaja pryhoda» (Billy and the Giant Adventure) padčas łakdaŭnu.
Jak i mnohija ludzi z dyśleksijaj, Džejmi Olivier taksama pakutuje i ad SDUH (sindrom deficytu ŭvahi i hipieraktyŭnaści), tamu jamu daviałosia raspracavać svoj ułasny sposab dla napisańnia knihi.
«Čas padčas łakdaŭnu byŭ dziŭnym. I ja, užo staŭšy darosłym, staŭ zadumvacca pra toje, što ja mahu zrabić dla samaraźvićcia. Voś ja i siadzieŭ pa 10 chvilin na dzień — stolki, kolki ja mahu na čymści zasiarodzicca, i pisaŭ knihu. U vyniku za čatyry hady ŭ mianie atrymałasia 14 raździełaŭ, jakija ja i adpraviŭ vydaŭcu», — raspavioŭ jon.
Z afišy filma pra «Pieśniaroŭ» prybrali akciora-kupałaŭca
Adrazu dva biełarusy ŭvajšli ŭ žury prestyžnaj kinapremii «Załaty hłobus»
