Juryj Vaskrasienski. Skrynšot videa ANT
Jak vynikaje z intervju Maratu Markavu na ANT, šenhienskuju vizu na dva hady Vaskrasienskamu vydali ŭ polskaj ambasadzie ŭ 2022-m. Ale niadaŭna zabrali.
Pa słovach Vaskrasienskaha, dziejańnie vizy spynili, bo Polšča pryznała jaho pahrozaj nacyjanalnaj biaśpiecy i vydała adpaviedny dakumient na miažy.
Vaskrasienski sprabuje heta asprečyć — pakul biespaśpiachova.
«Ja padaŭ adpaviedny isk u polski sud i čakaju jaho razhladu. Ale sprava čamuści čaćviorty raz adkładajecca», — paskardziŭsia jon.
Vaskrasienski skazaŭ, što takoje rašeńnie polski ŭrad pryniaŭ pa zvarocie Paŭła Łatuški.
«Napisaŭ [Łatuška] adpaviedny danos u ofis Maravieckaha, z ofisa Maravieckaha pryjšło rasparadžeńnie va ŭpraŭleńnie pa spravach zamiežnikaŭ uklučyć mianie ŭ ich sankcyjny śpis», — raskazaŭ jon svaju viersiju.
Raniej Juryja Vaskrasienskaha zaŭvažali ŭ Polščy.
Čytajcie taksama:
Vaskrasienski raspavioŭ, jak sustrakaŭsia z Pačobutam dziela jaho vyzvaleńnia
