Mery Kuant była adnoj z najbolš upłyvovych fihur na modnaj scenie 1960-ch hadoŭ. Ličycca, što mienavita jana zrabiła modu dastupnaj dla mas dziakujučy svaim hładkim, abciakalnym i jarkim dyzajnam.
Mery Kuant była dačkoj dvuch valijskich nastaŭnikaŭ, ale naradziłasia ŭ łondanskim Błekchicie ŭ 1930 hodzie. U 1950-ch hadach jana atrymała dypłom mastackaj adukacyi ŭ Hołdśmits-kaledžy, dzie paznajomiłasia sa svaim mužam Alaksandram Płankietam Hrynam, jaki paźniej dapamoh zasnavać jaje brend. Hety šlub pratrymaŭsia da 1990 hoda, pakul Alaksandr nie pamior.
Na veb-sajcie muzieja V&A havorycca, što nibyta «niama pierakanaŭčych dokazaŭ», kab skazać, chto pieršym vynajšaŭ mini-spadnicu. Ale dla Mery Kuant heta stała firmovym znakam jaje stylu.
Jana adkryła svaju pieršuju kramu Bazaar na łondanskim Kinhs-Roŭd u 1955 hodzie, i jaje dalnabačny i tvorčy talent chutka zrabiŭ ŭnikalny ŭniosak u brytanskuju modu. Bazaar była adnoj ź niamnohich kram u Łondanie, jakaja prapanoŭvała radykalna inšy farmat pakupak — z hučnaj muzykaj, biaspłatnymi napojami i poźnimi hadzinami pracy.
U 2014 hodzie Mery Kuant skazała: «Dziaŭčaty z Kinhs-Roŭd vynajšli mini. Ja rabiła adzieńnie, u jakim možna było b biehać i tancavać, i my šyli jaho toj daŭžyni, jakuju chacieŭ klijent».
Čytajcie taksama:
Pamior hitaryst hurta ABBA Łase Viełander
Biendžamin Fierenc, apošni prakuror Niurnbierha, pamior va ŭzroście 103 hadoŭ
