Skrynšot STB
U Viciebsku źniali režym nadzvyčajnaj situacyi z-za pavodak, ale ŭ niekatorych rajonach situacyja zastajecca ŭsio jašče napružanaj. Padrabiaznaści raspaviali ŭ efiry telekanała STB.
Maksimalny ŭzrovień uzdymu vady na Dźvinie ŭ Viciebsku nie tak daŭno pieravyšaŭ dzieviać mietraŭ. Ciapier vada syšła — užo mienš za vosiem mietraŭ. Raka praciahvaje viartacca ŭ svajo rečyšča.
Praŭda, składanaja situacyja z pavodkami ŭsio jašče zachoŭvajecca ŭ Vierchniadźvinskim i Połackim rajonach.
«U asobnych rehijonach Viciebskaj vobłaści zastajucca padtoplenymi 7 žyłych damoŭ, bolš za 190 haspadarčych pabudoŭ, 3 masty i 17 učastkaŭ daroh. Usim hramadzianam, u jakich padvorak znachodziŭsia ci jašče znachodzicca ŭ zonie padtapleńnia, pry nieabchodnaści akazvajecca nieabchodnaja dapamoha», — raspaviała aficyjny pradstaŭnik Viciebskaha abłasnoha ŭpraŭleńnia MNS Sofja Hlinskaja.
Na minułym tydni na Viciebščynie situacyja z pavodkami była krytyčnaj: Dźvina ŭ adnym z dačnych pasiołkaŭ razmyła darohi, zabrała ŭ raku drevy i łaŭki, niebiaśpiečna blizka padyšła da žyłych damoŭ.
Z-za pavodki pad Turavam hinuć turapadobnyja byki, zaviezienyja z-za miažy
