Pieravažnaja bolšaść pažaraŭ u ekasistemach, pa danych Minpryrody, adbyvajecca pa vinie ludziej, a na dolu ŭmoŭ nadvorja prypadaje tolki 5-10% takich vypadkaŭ.
U viedamstvie taksama abviarhajuć stereatyp pra toje, što vypalvańnie letašniaj travy spryjaje jaje rostu ŭ pierśpiektyvie. Śpiecyjalisty adznačajuć, što popieł paśla pału nijak nie palapšaje jakaść hleby, bo hublajucca azotnyja złučeńni. Bolš za toje — u ahni źniščajecca karysnaja mikrafłora, pierš za ŭsio taja, što dapamahaje raślinam vystajać u vypadku chvaroby.
Taksama ŭ pracesie hareńnia ŭ atmaśfieru pastupaje vuhlakisły haz. Reštki jadachimikataŭ i ŭhnajeńniaŭ u ahni ŭtvarajuć taksičnyja złučeńni. Uzdoŭž daroh pry vypalvańni suchoj travy pavietra zabrudžvajecca ciažkimi mietałami.
U Minpryrody nahadali pra miery pakarańnia za takuju dziejnaść.
Za niezakonnaje vypalvańnie suchoj raślinnaści, traŭ na korani, a taksama iržyšča i pažniŭnych reštkaŭ na palach abo niepryniaćcie mier pa likvidacyi pałaŭ praduhledžany štraf ad 10 da 30 bazavych vieličyń (1 bazavaja — 37 rubloŭ).
Za raźviadzieńnie vohniščaŭ u zabaronienych miescach parušalnik zapłacić da 12 bazavych.
Kali budzie ŭstalavany fakt pryčynieńnia škody navakolnamu asiarodździu, vinoŭnik paniasie hramadzianska-pravavuju adkaznaść. Pamiery kampiensacyi ŭ takim vypadku rehłamientavanyja pastanovaj Saŭmina ad 11 krasavika 2022 hoda №219.
