Fota AP
Ułady ZŠA minułaj viasnoj uchvalili prahramu prodažu Ukrainie ŭzbrajeńniaŭ u ramkach lend-lizu, adnak hetyja pastaŭki da hetaha času nie pačalisia z-za niežadańnia Vašynhtona nakładvać na Kijeŭ hrašovyja abaviazacielstvy i dvuchpartyjnaha adabreńnia padtrymki USU. Pra heta piša vydańnie Politico.
«My ŭdzialajem pryjarytetnuju ŭvahu dapamozie ŭ halinie biaśpieki, za jakuju im nie daviałosia b nam płacić», — patłumačyŭ vysokapastaŭleny čynoŭnik Administracyi Bajdena.
Surazmoŭca pry hetym adznačyŭ, što ŭłady ZŠA hatovyja da vykarystańnia lend-lizu ŭ budučyni, ale ciapier asnoŭnaja ŭvaha nadajecca pastaŭkam u ramkach inšych paŭnamoctvaŭ, jakija byli ŭchvalenyja Kanhresam ZŠA.
Inšaj pryčynaj adkładvańnia lend-lizu źjaŭlajecca toje, što Demakratyčnaja i Respublikanskaja partyi ZŠA zhodnyja ŭ nieabchodnaści pastaŭlać Ukrainie ŭzbrajeńnie. Jak raspavioŭ pamočnik adnaho z kanhresmienaŭ-demakrataŭ, kali respublikancy źmieniać svajo mierkavańnie abo źmieniacca hramadskija nastroi, lend-liz mohuć zadziejničać dla abychodu zakanadaŭčych sprobaŭ zabłakavać pastaŭki.