5-hadovaja Liła Valiska razam sa svaimi zamovami. Fota: Jessica Nunes, People
Piacihadovaja Liła Valiska z Vestporta, štat Masačusiets, patraciła amal 4000 dalaraŭ tady, kali prosta hulała na telefonie svajoj maci. Taja ŭ svaju čarhu pra heta spačatku ničoha nie viedała, a potym była šakavanaja.
Pra hetu historyju 7 krasavika napisaŭ časopis People.
Džesika Nuńjes, maci dziaŭčynki, była ŭ šoku, kali na jaje poštu pačali prychodzić paviedamleńni ab paćviardžeńni dastavak cacak i inšych rečaŭ, jakija sama žančyna nikoli nie kuplała.
«Spačatku, kali ja pabačyła elektronny list, jaki paćviardžaje «adpraŭku pakupki», to padumała, što heta ašukanstva albo spam. Ale potym ja ŭsio ž taki adkryła internet-kramu Amazon i była šakavanaja, kali pabačyła, što pakupki zrabiła maja dačka!» — raspaviała žančyna časopisu People.
U historyi zamoŭ maci pabačyła 10 dziciačych viełatrenažoraŭ, cacačny džyp i 10 par kaŭbojskich botaŭ. Pry hetym jaje dačka Liła nie ŭmieje ni čytać, ni pisać, ale ździejśniła za 15 chvilin pakupak na sumu krychu mienš za 4000 dalaraŭ (zvyš 10 tysiač rubloŭ), choć častku zamoŭ maci ŭsio ž paśpieła admianić.
A dačka ŭ svaju čarhu zajaviła, što nie škaduje ab svaich pakupkach.
«Ja prosta chacieła heta, i ja heta zamoviła», — takimi słovami Liła prakamientavała svoj učynak.
Pry hetym Džesika Nuńjes adznačyła, što jaje dačka vydatna viedała pra Amazon, tamu što taja niekalki razoŭ bačyła, jak maci karystałasia servisam. Ale dzicia nie mieła ŭłasnaha telefona, a maci dazvalała joj pahulać u hulni, kab prosta jaje supakoić. Džesika navat nie padazravała, što jaje dačka budzie zdolnaja prakrucić usiu hetuju historyju z zamovami tak sprytna.
Tym nie mienš, pa słovach maci, Liła ŭ vyniku ŭ jakaści pakarańnia była pazbaŭlenaja ŭsich zamoŭ, što paśpieli pryjści.
Čytajcie taksama:
Praź litoŭskuju miažu nie prapuskali furu z fałaimitatarami, pryznačanymi dla Rasii
Japonskaja palicyja aryštavała dvuch mužčyn za «sušy-teraryzm»
