Emaniuel Makron. Fota: Alex Brandon / AP
«Ja dumaju, što Kitaj robić tuju ž vysnovu, što i my, a mienavita, što siońnia vajenny čas. Ukraincy supraciŭlajucca, i my im dapamahajem. Ciapier nie čas dla pieramoŭ, navat kali my da ich rychtujemsia i kali nam treba rasstavić akcenty.
Metaj hetaha dyjałohu z Kitajem źjaŭlajecca kansalidacyja ahulnych padychodaŭ. Pieršaje — padtrymka pryncypaŭ Statuta Arhanizacyi Abjadnanych Nacyj. Druhoje — vyrazny napamin ab jadziernaj prablemie, i
Kitaj pavinien pryniać miery ŭ suviazi z tym, što prezident Pucin raźmiaściŭ jadziernuju zbroju ŭ Biełarusi praź niekalki dzion paśla taho, jak jon uziaŭ na siabie abaviazacielstva nie rabić hetaha.
Treciaje — vielmi kankretny napamin ab humanitarnym pravie i abaronie dziaciej. I čaćviortaje — imknieńnie da miru, dasiahnutamu šlacham pieramoŭ», — skazaŭ prezident Francyi ŭ intervju padčas svajho vizitu ŭ Kitaj.
Makron zaŭvažyŭ, što nie moža być jeŭrapiejskaj architektury biaśpieki, pakul u Jeŭropie isnujuć krainy, jakija padvierhlisia ŭvarvańniu, abo zamarožanyja kanflikty.
«Ci źjaŭlajecca Ukraina pryjarytetam dla kitajskaj dypłamatyi? Mahčyma, nie. Ale hety dyjałoh daje mahčymaść źmiakčyć kamientary, jakija my čuli pra peŭnuju samazaspakojenaść z boku Kitaja ŭ dačynieńni da Rasii», — dadaŭ jon.
Čym tłumačycca niezvyčajna pampiezny pryjom Makrona ŭ Piekinie
Kreml paličyŭ «krytykaj ZŠA» słovy Makrona pra jadziernuju zbroju
Si Czińpin paabiacaŭ Makronu padtrymać francuzski mirny płan pa Ukrainie
