Dyrektara stamatałahičnaj kliniki asudzili na try hady «chatniaj chimii» za ŭdzieł u pratestach u 2020 hodzie
U sudzie Leninskaha rajona Minska 21 sakavika asudzili Valeryja Savickaha pavodle č. 1 art. 342 Kryminalnaha kodeksa (arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich). Sudździa Anastasija Ačałava pryznačyła Valeryju try hady abmiežavańnia voli biez nakiravańnia ŭ papraŭčuju ŭstanovu adkrytaha typu («chatniaj chimii»), piša «Viasna».
Valeryja abvinavacili va ŭdziele ŭ akcyjach pratestu ŭ Minsku ŭ 2020 hodzie, padčas jakich jon vychodziŭ na prajeznuju častku i «vykarystoŭvaŭ pałotnišča bieła-čyrvona-biełaha koleru jak pratesny simvał».
«Na adnym z fotazdymkaŭ Savicki vyjaŭleny na fonie kardona z pradstaŭnikoŭ siłavych viedamstvaŭ pablizu budynka HUMa i Nacyjanalnaha banka Respubliki Biełaruś».
Mužčynu apaznali pa fotazdymkach z akcyj, jakija znajšli ŭ jaho mabilnym telefonie. Jon raskajaŭsia ŭ ździejśnienym.
Da suda mužčyna znachodziŭsia pad zakładam pamieram u 7400 rubloŭ.