Padčas sustrečy z Uładlenam Tatarskim, na jakoj adbyŭsia vybuch
«My arhanizavali i zrabili akcyju 2 krasavika 2023 hoda suprać hrupy Z-aktyvistaŭ i asabista suprać viadomaha padpalščyka i prapahandysta vajny, vajennaha złačynca Maksima Famina, viadomaha jak Uładlen Tatarski. Hetaja akcyja padrychtavanaja i ździejśnienaja nami aŭtanomna, i my nie majem suviazi i nie atrymlivali dapamohi ni ad jakich zamiežnych struktur i tym bolš śpiecsłužbaŭ», — zajavili ŭ arhanizacyi.
Akramia taho, tam padkreślili, što akcyja nie była nakiravanaja suprać mirnych hramadzian, a «ŭsie paciarpiełyja ŭvachodziać u lik aktyŭnych prychilnikaŭ vajny».
Pradstaŭniki arhanizacyi taksama zaklikali rasijskich pravaabaroncaŭ akazać dapamohu Darji Trepavaj, aryštavanaj pa hetaj spravie, i «inšym niavinnym ludziam».
Raniej hetaja samaja arhanizacyja ŭziała na siabie adkaznaść za zabojstva Darji Duhinaj u žniŭni 2022 hoda.
