Ben Chodžes. Fota: AP Photo / Mindaugas Kulbis
«Krym — voś što pavinna być vyzvalena, — zajaviŭ dniami hienierał Chodžes litoŭskamu nacyjanalnamu teleradyjokanału LRT. —
Vy možacie źniščyć usich rasijskich sałdat u radyusie 200 km ad Bachmuta, ale heta nie paŭpłyvaje na stratehičny zychod vajny. Stratehičnuju situacyju moža źmianić tolki vyzvaleńnie Kryma, i mienavita tak Ukraina dabjecca pieramohi».
Sa słoŭ adstaŭnoha hienierała, kali stvoracca ŭsie prydatnyja ŭmovy, Ukraina pačnie kontrnastupleńnie, jakoje dazvoliła b joj adrezać Krym ad Rasii. Jana pastarajecca znoŭ nanieści ŭdar pa Kierčanskim moście i źniščyć jaho dy pačnie vykarystoŭvać zbroju dalokaha radyusu dziejańnia, što zrobić abaronu Kryma niemahčymaj, miarkuje Ben Chodžes.
Sievastopal, Saki — kali nanosić udary pa hetych haradach Krymskaha paŭvostrava, rasijanie nie zmohuć tam zastavacca, zajaviŭ adstaŭny hienierał.
Viadoma, padkreśliŭ Chodžes, ukrainski hienštab nie stanie apaviaščać pra čas i miesca takoha kontrnastupleńnia, ale my viedajem, što ŭkrainskija siły stvarajuć mahutny braniatankavy kułak, pry hetym nie zadziejničajuć jaho ŭ Bachmucie, i heta aznačaje, što inšyja ŭkrainskija čaści vymušanyja płacić vysokuju canu ŭ Bachmucie, kab spynić tam rasijskija vojski.
«Usio, što ja kažu pra hetaje nastupleńnie, — tolki maje ŭłasnyja zdahadki, tamu što ja mahu čytać kartu, kali ja dumaju, što ja spadziavajusia ŭbačyć», — dadaŭ hienierał Chodžes.
Čytajcie taksama:
ZŠA razhladajuć varyjanty pastavak Ukrainie zbroi vialikaj dalokaści zamiest ATACMS — hienierał Mili
Ministr abarony Ukrainy raspavioŭ pasłam ES, čaho nie chapaje dla efiektyŭnaha kontrnastupu
