Maksim Jarašenka. Fota ź jahonaj staronki Ukantakcie
KDB niadaŭna apublikavaŭ novy śpis «terarystaŭ». Siarod inšych tudy trapiŭ hamialčuk Maksim Jarašenka. Chłopcu tolki niadaŭna spoŭniłasia 18 hadoŭ: jon naradziŭsia 27 kastryčnika 2004 hoda. Maksim niekali navučaŭsia ŭ Homielskim dziaržaŭnym palitechničnym kaledžy.
Jaho zatrymali ŭ Homieli 10 maja 2022 hoda, kali jamu było 17 hadoŭ. Chłopca abvinavacili ŭ «abrazie pradstaŭnika ŭłady», «abrazie sudździ» i «raspalvańni sacyjalnaj varožaści». Pryčynaj stali kamientary ŭ internecie.
Uvieś hety čas jaho trymali ŭ SIZA-3 Homiela, jak i papiaredniuju samuju maładuju «terarystku» Danutu Pieradniu. Pa źviestkach «Viasny», 30 studzienia 2023 hoda chłopcu prysudzili paŭtara hoda kałonii, to-bok, jon musić vyjści letam 2023 hoda. Prysud užo ŭstupiŭ u siłu, ale dzie chłopiec utrymlivajecca ciapier, dakładna nieviadoma.
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Čytajcie taksama:
Ja vydaliŭ Telegram-akaŭnt. Ja ŭ biaśpiecy?
Za kamientary zatrymali ajcišnika, jaki vydaliŭ telehram-akaŭnt paŭtara hoda tamu. Voś jak jaho znajšli
