Sud va Ukrainie vynies prysud padpałkoŭniku rasijskaj armii 2 sakavika. Jak paviedamlała Słužba biaśpieki Ukrainy, 6 sakavika 2022 hoda lotčyk udzielničaŭ u napadzie na Charkaŭ i skinuŭ na radyjotelevizijnuju stancyju vosiem avijabombaŭ FAB-500 ahulnaj vahoj 2,5 tony ŭ traciłavym ekvivalencie. Ukrainskija siły padbili samalot, piłot katapultavaŭsia i byŭ zatrymany.
Na nastupny dzień paśla vyniasieńnia prysudu, 3 sakavika, sud vynies rašeńnie abmianiać Kryštapa jak vajennapałonnaha dla taho, kab vyzvalić ukraincaŭ z rasijskaha pałonu.
11 sakavika 2022 hoda ŭ Kijevie adbyłasia pres-kanfierencyja z udziełam Kryštopa i jašče dvuch pałonnych rasijskich vajskoŭcaŭ, jakija ździajśniali raźviedvalnyja paloty nad Mikałajeŭskaj vobłaściu. Rasijanie zaklikali svajo kiraŭnictva spynić vajnu i prasili prabačeńnia va ŭkrainskaha naroda.
